មនុស្សភាគច្រើនជឿថា ការកើតស្រែងបណ្តាលមកពីសត្វល្អិត។ ប៉ុន្តែផ្ទុយស្រឡះ
ស្រែងបណ្តាលមកពីឆ្លងមេរោគផ្សិតនៅលើស្បែក។ នេះជាជំងឺឆ្លងដែលបញ្ជូនពីសត្វទៅមនុស្ស
ឬនៅពេលមនុស្សនៅជិតគ្នា។
អាការៈរបស់មនុស្សកើតស្រែង គឺមានកន្ទួលក្រហមនៅលើស្បែក។
មេរោគផ្សិតជាធម្មតា កើតនៅលើផ្នែកនៃរាងកាយដែលក្តៅ ហើយសើម។
ឥទ្ធិពលរបស់អង់ស៊ីមនៅក្នុងផ្លែល្ហុងអាចបំផ្លាញមេរោគផ្សិត
ដែលកើតមាននៅលើស្បែក។ ដើម្បីព្យាបាលជំងឺស្រែងនេះបាន ត្រូវយកដុំល្ហុងជូតពីលើកន្ទួលរមាស់។
រួចទុកវាចោលរយៈពេល ២០នាទី មុនពេលលាងសម្អាតនឹងទឹកត្រជាក់។ ធ្វើវិធីនេះម្តងទៀតយ៉ាងហោចណាស់ឲ្យបាន
២ដងក្នុង ១ថ្ងៃ រយៈពេលពី ១០ថ្ងៃ ទៅ១៥ថ្ងៃ។
ស្លឹកដើមក្រឡឹងតឹង
បេះយកស្លឹកដើមក្រឡឹងតឹង រួចដាំយកទឹក ៣កែវ។ ដាំទឹករហូតដល់រីងសល់តែពាក់កណ្តាល
រួចទុកវាឲ្យត្រជាក់ ហើយស្រង់យកស្លឹកចេញ។ យកទឹកវាមកលាបលើកន្ទួលរមាស់។ បន្តធ្វើវិធីបែបនេះឲ្យបានរយៈពេល
១ទៅ ២សប្តាហ៏។ ជំងឺស្រែងនឹងជាសះស្បើយបានទាំងស្រុង។
ម្សៅខ្ទឹមស
បកសំបកខ្ទឹមស ៣ទៅ ៤ក្លែប។ រួចបុកវានឹងត្បាល់ឲ្យម៉ត់។ បន្ទាប់មកយកខ្ទឹមសមកលាបលើតំបន់ដែលកើតស្រែង។
សារធាតុប្រឆាំងនឹងមេរោគផ្សិត និងបាក់តេរីនៅក្នុងខ្ទឹមសនឹងព្យាបាលជំងឺឆ្លងនេះ។
ដើម្បីឲ្យជំងឺនេះជាសះស្បើយបានទាំងស្រុង ត្រូវលាបម្សៅខ្ទឹមសនេះនៅលើស្បែកម្តងក្នុង
១ថ្ងៃ រយៈពេលពី ១០ទៅ ១២ថ្ងៃ។
ម្សៅរមៀត
យកម្សៅរមៀតលាយជាមួយទឹកឃ្មុំ។ រួចលាបលើស្រែង។ សារធាតុប្រឆាំងបាក់តេរី, ផ្សិតរបស់រមៀត និងទឹកឃ្មុំត្រូវបានគេរកឃើញថា អាចព្យាបាលជំងឺឆ្លងបានយ៉ាងមានប្រសិទ្ធិភាព
រួមទាំងជំងឺស្រេងផងដែរ។ អ្នកអាចលាបម្សៅរមៀតលាយទឹកឃ្មុំនេះឲ្យបានយ៉ាងហោចណាស់
១សប្តាហ៏ពេញ ដើម្បីឲ្យជំងឺនេះជាសះស្បើយទាំងស្រុង។
ប្រទាលកន្ទុយក្រពើ
ទឹកប្រទាលកន្ទុយក្រពើជាឱសថព្យាបាលដ៏មានប្រសិទ្ធិភាពសម្រាប់ព្យាបាលជំងឺស្រែង។
ទឹកប្រទាលកន្ទុយក្រពើដែលចម្រាញ់ចេញពីសាច់ និងសំបក។ លាបទឹកប្រទាលកន្ទុយក្រពើថ្នមៗពីលើស្រែង។
ធ្វើវិធីនេះ ២ដងក្នុង១ថ្ងៃ ឲ្យបាន ២សប្តាហ៏។ ក្រោយរយៈពេល ២សប្តាហ៏ ជំងឺស្រែងនឹងលែងមានតទៅទៀតហើយ។
ប្រេងដើមតែ
ប្រេងដើមតែមានផ្ទុកនូវសារធាតុប្រឆាំងនឹងមេរោគផ្សិត និងបាក់តេរីដែលអាចព្យាបាលជំងឺស្បែកផ្សេងៗ។
បន្តក់ប្រេងដើមតែលើសំឡី។ រួចជូតថ្នមៗលើកន្ទួលរមាស់។ ធ្វើវិធីនេះម្តងក្នុង ១ថ្ងៃរយៈពេល
២សប្តាហ៏។ ប្រេងដើមតែមិនត្រឹមតែជួយព្យាបាលជំងឺស្រែងប៉ុណ្ណោះ តែវាក៏អាចព្យាបាលស្បែកស្ងួតជុំវិញកន្ទួលរមាស់ផងដែរ។
ម្សៅមូស្តា
ត្រាំគ្រាប់មូស្តាស្រស់ ១ស្លាបព្រាកាហ្វេក្នុងទឹករយៈពេល
១យប់។ នៅព្រឹកបន្ទាប់ យកវាទៅកិនឲ្យម៉ត់។ លាបម្សៅនេះលើស្រែង។ ទុកវាចោលរយៈពេល
១ម៉ោងកន្លះ។ បន្តធ្វើវិធីនេះរយៈពេល ១៥ថ្ងៃ ដើម្បីទទួលបានលទ្ធផលល្អ។
ទឹកខ្មេះប៉ោម
យកសំឡីជ្រលក់ទឹកខ្មេះប៉ោម រួចជូតលើកន្លែងកើតស្រែង។ ទឹកខ្មេះប៉ោមនឹងជួយសម្ងួតស្រែង។
អ្នកត្រូវធ្វើវិធីបែបនេះរយៈពេល ២-៣ថ្ងៃ ដើម្បីទទួលបានលទ្ធផលល្អ៕
ដោយ៖ ដារ៉ា
ប្រភព៖ ladycarehealth
No comments:
Post a Comment