សេចក្ដីរីករាយនឹងលោកនេះ គឺពេញចិត្ត ពេញថ្លើមនឹងទុក្ខ

សេចក្ដីរីករាយនឹងលោកនេះ គឺពេញចិត្ត ពេញថ្លើមនឹងទុក្ខ។

ព្រះមានព្រះភាគ ទ្រង់ត្រាស់ថា ម្នាលកប្បៈ តថាគតនឹងប្រាប់អ្នកនូវទីពឹងរបស់ពួកសត្វអ្នកឋិតនៅកណ្ដាលនៃស្រះដែលត្រូវជរានិងមច្ចុគ្របសង្កត់ ព្រោះឱឃៈជាភ័យធំកើតឡើងហើយ ។

អកិញ្ចនំ អនាទានំ ឯតំ ទីបំ អនាបរំ

និព្វានំ ឥតិ នំ ព្រូមិ ជារាមច្ចុបរិក្ខយំ ។

ការមិនកង្វល់ ការមិនប្រកាន់មាំ នោះឯងជាទីពឹង ឯទីពឹងក្រៅពីនេះ ពុំមានទេ

តថាគតហៅនូវទីពឹងនោះថា និព្វាន ជាទីអស់ទៅនៃជរានិងមច្ចុ ដោយប្រការដូច្នេះ ។

ឯតទញ្ញាយ យេ សតា

ទិដ្ឋធម្មាភិនិព្វុតា

ន តេ មារវសានុគា

ន តេ មារស្ស បដ្ឋគូ ។

ពួកជនណា ជាអ្នកមានសតិ ដឹងនូវទីពឹងនោះ មានធម៌ឃើញហើយ ពួកជននោះ ជាអ្នកមិនលុះក្នុងអំណាចមារ ។